小暑过后，天气依然一日热过一日。连续被太阳公公暴晒咗几日嘅广州，已经就嚟蒸干啦。相信好多白领都同阿姐一样，已经离唔开空调，真系想抱住部空调出街。不过天气预报话，今日午后有局部阵雨，希望今次唔系“流料”啦。哈！抱有同一个愿望嘅兄弟姊妹们，不妨同阿姐一齐用最原始嘅方法祈求局部阵雨能落喺自己屋企门口啦。落雨啦落雨啦！

交通指数

降温

午后可能有局部阵雨，不过阵雨后天气可能更见闷热，各位司机大佬心情难免变差，阿姐系到提醒大家郁闷还郁闷，始终都系要小心揸车。

洗车指数

不适宜

今日午后可能有局部降雨，唔建议洗车，反正进入夏季晴朗天大把，唔急在一时啦。

化妆指数

保湿

日日坐空调房，加日日搽防晒霜，认真照镜就会发现，皮肤开始起皱，皆因皮肤太干，有干纹啊！所以一定要做足保湿，敷保湿面膜之余，最好随身携带支保湿水啦。

穿衣指数

炎热

天气炎热，建议着短衫、短裙、短裤、薄型T恤衫、敞领短袖棉衫等清凉夏季服装。

空调指数

全日浸

温度如此之高，一出空调房就已经全身汗，各位白领一定都希望可以全日沉浸喺空调房啦，不过要小心会有呼吸道疾病啊。

防晒指数

全副武装

随身携带小风扇、太阳眼镜、遮阳伞、防晒霜……总之防晒系呢段时间嘅重要议程，记得每日都要做足。